ഉ​ത്ത​ര മ​ല​ബാ​റി​ലെ യാ​ത്രാ​പ്രേ​മി​ക​ളു​ടെ മാ​ന​സി​കോ​ല്ലാ​സ​ത്തി​ന്‍റെ പ​ര്യാ​യ​മാ​യി മാ​റു​ക​യാ​ണ് പ്ര​കൃ​തി ര​മ​ണീ​യ​ത​കൊ​ണ്ട് അ​നു​ഗ്ര​ഹീ​ത​മാ​യ ചാ​ത്ത​മം​ഗ​ലം ഗ്രാ​മം.

 

തി​രു​മേ​നി: ഉ​ത്ത​ര മ​ല​ബാ​റി​ലെ യാ​ത്രാ​പ്രേ​മി​ക​ളു​ടെ മാ​ന​സി​കോ​ല്ലാ​സ​ത്തി​ന്‍റെ പ​ര്യാ​യ​മാ​യി മാ​റു​ക​യാ​ണ് പ്ര​കൃ​തി ര​മ​ണീ​യ​ത​കൊ​ണ്ട് അ​നു​ഗ്ര​ഹീ​ത​മാ​യ ചാ​ത്ത​മം​ഗ​ലം ഗ്രാ​മം.

കണ്ണൂർ ജില്ലയിലെ ചെറുപുഴ തിരുമേനിയ്ക്കടുത്താണ് ഈ ഗ്രാമം. ക​ണ്ണൂ​ർ, കാ​സ​ർ​ഗോ​ഡ്, കോ​ഴി​ക്കോ​ട് ജി​ല്ല​ക​ളി​ൽ​നി​ന്നാ​യി നി​ര​വ​ധി​പ്പേ​ർ ഇ​വി​ടെ​യെ​ത്തു​ന്നു. ഉ​യ​ര​മു​ള്ള പാ​റ​ക്കെ​ട്ടി​നു മു​ക​ളി​ൽ താ​ഴേ​ക്കു പ​തി​ക്കു​ന്ന വെ​ള്ള​ച്ചാ​ട്ട​ങ്ങ​ളും നു​ര​ഞ്ഞു​പ​ത​ഞ്ഞൊ​ഴു​കു​ന്ന പാ​ല​രു​വി​ക​ളും വാ​ഗ​മ​ൺ കു​ന്നു​ക​ളി​ലേ​തു​പോ​ലെ അ​തി​വി​ശാ​ല​മാ​യ പു​ൽ​മേ​ടു​ക​ളും പ​റ​യാ​തെ വി​രു​ന്നി​നെ​ത്തു​ന്ന മ​ഴ​യും തൂ​വെ​ള്ള പു​ത​പ്പു​കൊ​ണ്ട് ചാ​ത്ത​മം​ഗ​ലം ഹി​ൽ​സി​നെ​യും താ​ഴ്‌​വ​ര​ക​ളെ​യും പൊ​തി​യു​ന്ന മൂ​ട​ൽ​മ​ഞ്ഞും മ​ര​ങ്ങ​ളി​ൽ ചേ​ക്കേ​റി​യി​രി​ക്കു​ന്ന നാ​നാ​വി​ധ​ത്തി​ലു​ള്ള പ​ക്ഷി​ക​ളു​ടെ ക​ള​ക​ളാ​ര​വ​ങ്ങ​ളും തെ​ങ്ങ്, ക​മു​ക്, റ​ബ​ർ, കു​രു​മു​ള​ക്, ജാ​തി, കൊ​ക്കോ, റം​ബൂ​ട്ടാ​ൻ തു​ട​ങ്ങി​യ കാ​ർ​ഷി​ക വി​ള​ക​ളും എ​ല്ലാം​കൊ​ണ്ട് സ​മൃ​ദ്ധ​മാ​യ താ​ഴ്വ​ര​ക​ളും​കൊ​ണ്ട് സ​ഞ്ചാ​രി​ക​ളു​ടെ ഹൃ​ദ​യ​ത്തി​ൽ ചി​ര​പ്ര​തി​ഷ്ഠ നേ​ടു​ക​യാ​ണ് ചാ​ത്ത​മം​ഗ​ലം എ​ന്ന മ​നോ​ഹ​ര ഗ്രാ​മം.‌

വേ​റെ ലെ​വ​ലാ​ണ് ചാ​ത്ത​മം​ഗ​ലം

അ​ധി​കം വി​ക​സ​നം ക​ട​ന്നു​ചെ​ല്ലാ​ത്ത നെ​ടു​വോ​ട്-​ചാ​ത്ത​മം​ഗ​ലം-​തി​രു​മേ​നി റോ​ഡു​വ​ഴി​യു​ള്ള യാ​ത്ര ത​ന്നെ നി​ര​വ​ധി മ​നോ​ഹ​ര കാ​ഴ്ച​ക​ളാ​ണ് സ​മ്മാ​നി​ക്കു​ന്ന​ത്. ചാ​ത്ത​മം​ഗ​ലം പ്ര​ദേ​ശ​ത്ത് കാ​ണു​ന്ന​തെ​ല്ലാം പ്ര​കൃ​തി​ദ​ത്ത​മാ​ണ്. ഇ​വി​ടെ ആ​കെ​യു​ള്ള​ത് ഒ​രു അ​ങ്ക​ണ​വാ​ടി​യും സെ​ന്‍റ് ജൂ​ഡ്സ് ചാ​പ്പ​ൽ എ​ന്ന കൊ​ച്ചു ക്രൈ​സ്ത​വ ദേ​വാ​ല​യ​വും മാ​ത്ര​മാ​ണ്. കു​ടി​യേ​റ്റ​കാ​ല​ഘ​ട്ട​ത്തി​ൽ പാ​ലാ, തൊ​ടു​പു​ഴ, മൂ​വാ​റ്റു​പു​ഴ, തി​രു​വ​ല്ല പോ​ലു​ള്ള തെ​ക്ക​ൻ നാ​ടു​ക​ളി​ൽ​നി​ന്നു കു​ടി​യേ​റി​യ​വ​രാ​ണ് ഇ​വി​ടെ താ​മ​സി​ക്കു​ന്ന​വ​രി​ൽ ഭൂ​രി​ഭാ​ഗ​വും. ചാ​ത്ത​മം​ഗ​ലം ദേ​വാ​ല​യ​ത്തി​നു സ​മീ​പ​മു​ള്ള കാ​ഴ്ച​ക​ൾ മ​നോ​ഹ​ര​ങ്ങ​ളാ​ണ്. സ​മീ​പ​ത്തെ കൃ​ഷി​സ്ഥ​ല​ങ്ങ​ളു​ടെ പ​ശ്ചാ​ത്ത​ല​ത്തി​ൽ ദേ​വാ​ല​യം കാ​ണാ​ൻ ന​ല്ല ഭം​ഗി​യു​ണ്ട്. ചാ​ത്ത​മം​ഗ​ലം ഹി​ൽ​സ് എ​ന്ന തെ​രു​വ​മ​ല​യും ഉ​യ​ര​ത്തി​ൽ കേ​മ​നാ​യ ദേ​വ​ർ കു​ന്നു​മ​ല​യും ഇ​വി​ടെ​നി​ന്നു കാ​ണാ​നാ​കും. ഈ ​ര​ണ്ടു മ​ല​ക​ളു​ടെ​യും സം​ഗ​മ​സ്ഥാ​ന​ത്താ​ണ് ദേ​വാ​ല​യം സ്ഥി​തി​ചെ​യ്യു​ന്ന​തു​ത​ന്നെ. പൈ​ത​ൽ​മ​ല​യും പാ​ല​ക്ക​യം​ത​ട്ടും ബ​ന്ധ​പ്പെ​ടു​ത്തി ടൂ​റി​സം സ​ർ​ക്യൂ​ട്ട് രൂ​പീ​ക​രി​ക്കാ​ൻ ന​ട​പ​ടി​യാ​യ സാ​ഹ​ച​ര്യ​ത്തി​ൽ തു​ല്യ​പ്രാ​ധാ​ന്യ​മു​ള്ള ചാ​ത്ത​മം​ഗ​ലം പ്ര​ദേ​ശ​ത്തി​നാ​യി മി​ക​ച്ച പ​ദ്ധ​തി​ക​ൾ ആ​വി​ഷ്ക​രി​ക്ക​ണ​മെ​ന്ന് ജോ​ൺ ബ്രി​ട്ടാ​സ് എം​പി​യോ​ടും സ​ജീ​വ് ജോ​സ​ഫ് എം​എ​ൽ​എ​യോ​ടും നാ​ട്ടു​കാ​ർ അ​ഭ്യ​ർ​ഥി​ച്ചു.

പ്ര​തി​സ​ന്ധിയായി മാ​ലി​ന്യ​വും റോ​ഡും

മ​ല​യി​ൽ മാ​ലി​ന്യം നി​ക്ഷേ​പി​ക്കാ​ൻ സൗ​ക​ര്യ​മി​ല്ലാ​ത്ത​തി​നാ​ൽ കൊ​ണ്ടു​വ​രു​ന്ന ഭ​ക്ഷ​ണ​ത്തി​ന്‍റെ പൊ​തി​ക​ളും ഒ​ഴി​ഞ്ഞ വെ​ള്ള​ക്കു​പ്പി​ക​ളു​മെ​ല്ലാം മ​ല​യി​ൽ വ​ലി​ച്ചെ​റി​യു​ന്ന​ത് പു​ൽ​മേ​ടി​ന്‍റെ നാ​ശ​ത്തി​ന് കാ​ര​ണ​മാ​കു​ന്നു. ഒ​രു നി​യ​ന്ത്ര​ണ​വു​മി​ല്ലാ​തെ മ​ല​മു​ക​ളി​ലെ ന​ട​പ്പാ​ത​യി​ലൂ​ടെ ഇ​രു​ച​ക്ര വാ​ഹ​ന​ങ്ങ​ൾ ഓ​ടി​ക്കു​ന്ന​തും പു​ൽ​മേ​ട് ന​ശി​പ്പി​ക്കും.

‌ചാ​ത്ത​മം​ഗ​ലം ദേ​വാ​ല​യ​ത്തി​ന് സ​മീ​പ​ത്തു​നി​ന്ന് ഹി​ൽ​സി​നു മു​ക​ളി​ലേ​ക്ക് റോ​ഡ് ആ​വ​ശ്യ​മാ​ണ്. അ​തു​പോ​ലെ​ത​ന്നെ പ്ര​ദേ​ശ​ത്തെ പു​റം​ലോ​ക​വു​മാ​യി ബ​ന്ധി​പ്പി​ക്കു​ന്ന ഗ​താ​ഗ​ത​യോ​ഗ്യ​മ​ല്ലാ​ത്ത തി​രു​മേ​നി-​ചാ​ത്ത​മം​ഗ​ലം-​നെ​ടു​വോ​ട് റോ​ഡ് മെ​ക്കാ​ഡം ടാ​റിം​ഗ് ന​ട​ത്തേ​ണ്ട​തും അ​ത്യാ​വ​ശ്യ​മാ​യി​ട്ടു​ണ്ട്. ഇ​തി​നാ​യി 'എ​വ​ർ​ഗ്രീ​ൻ ചാ​ത്ത​മം​ഗ​ലം' എ​ന്ന സോ​ഷ്യ​ൽ മീ​ഡി​യ കൂ​ട്ടാ​യ്മ പോ​സ്റ്റ് ഷെ​യ​റിം​ഗ് ച​ല​ഞ്ച് ന​ട​ത്തി​യി​രു​ന്നു. കൂ​ട്ടാ​യ്മ​യു​ടെ ആ​ഭി​മു​ഖ്യ​ത്തി​ൽ ചാ​ത്ത​മം​ഗ​ലം ഗ്രാ​മ​ത്തി​ന്‍റെ വി​ക​സ​ന​ത്തി​നും തെ​രു​വ​മ​ല​യു​ടെ സം​ര​ക്ഷ​ണ​ത്തി​നു​മാ​യി ചാ​ത്ത​മം​ഗ​ലം ഡെ​വ​ല​പ്മെ​ന്‍റ് ക​മ്മി​റ്റി​യും റോ​ഡ് മെ​ക്കാ​ഡം ചെ​യ്യു​ന്ന​തി​നാ​യി പ്ര​ക്ഷോ​ഭ​ങ്ങ​ൾ സം​ഘ​ടി​പ്പി​ക്കു​ന്ന​തി​നു​വേ​ണ്ടി തി​രു​മേ​നി-​ചാ​ത്ത​മം​ഗ​ലം-​നെ​ടു​വോ​ട് റോ​ഡ് ആ​ക്‌​ഷ​ൻ ക​മ്മി​റ്റി​യും രൂ​പീ​ക​രി​ക്കാ​ൻ തീ​രു​മാ​ന​മാ​യി​ട്ടു​ണ്ട്.

ചാ​ത്ത​മം​ഗ​ല​ത്തു​നി​ന്ന് നെ​ടു​വോ​ട് റോ​ഡി​ൽ 600 മീ​റ്റ​ർ ന​ട​ന്നാ​ൽ ചാ​ത്ത​മം​ഗ​ലം വാ​ട്ട​ർ ഫാ​ൾ​സ് എ​ന്ന സീ​സ​ണ​ൽ വെ​ള്ള​ച്ചാ​ട്ട​ത്തി​ലെ​ത്താം. ശ​ക്ത​മാ​യ മ​ഴ​യു​ള്ള സ​മ​യ​മാ​ണ് വെ​ള്ള​ച്ചാ​ട്ടം സ​ന്ദ​ർ​ശി​ക്കു​ന്ന​തി​ന് ഏ​റ്റ​വും അ​നു​യോ​ജ്യം. ദേ​വ​ർ​കു​ന്ന് മ​ല​യി​ൽ​നി​ന്ന് ഉ​ത്ഭ​വി​ക്കു​ന്ന കൈ​ത്തോ​ടാ​ണ് 20 മീ​റ്റ​റി​ല​ധി​കം ഉ​യ​ര​മു​ള്ള പാ​റ​ക്കെ​ട്ടി​ന് മു​ക​ളി​ലൂ​ടെ വെ​ള്ള​ച്ചാ​ട്ട​മാ​യി ചാ​ത്ത​മം​ഗ​ലം-​നെ​ടു​വോ​ട് റോ​ഡി​ലേ​ക്ക് പ​തി​ക്കു​ന്ന​ത്. ഇ​വി​ടെ കു​ളി​ക്കു​ന്ന​തി​നാ​യി നി​ര​വ​ധി പേ​ർ എ​ത്താ​റു​ണ്ട്.

ന​യ​ന​മ​നോ​ഹ​രം മ​ല​യി​ലെ കാ​ഴ്ച​ക​ൾ

ചാ​ത്ത​മം​ഗ​ലം ഹി​ൽ​സി​ലെ കാ​ഴ്ച​ക​ൾ അ​തി​മ​നോ​ഹ​ര​ങ്ങ​ളാ​ണ്. ഹെ​ക്‌​ട​ർ​ക​ണ​ക്കി​ന് വി​സ്തൃ​തി​യു​ള്ള വി​ശാ​ല​മാ​യ പു​ൽ​മേ​ടു​ക​ളാ​ണ് ഇ​വി​ടെ​യു​ള്ള​ത്. തൊ​ട്ട​ടു​ത്താ​യി കൊ​ട്ട​ത്ത​ല​ച്ചി​മ​ല​യും ദേ​വ​ർ​കു​ന്ന് മ​ല​യു​മു​ണ്ട്. പൈ​ത​ൽ​മ​ല​യും കു​ട​ക് മ​ല​നി​ര​ക​ളു​മെ​ല്ലാം ഇ​വി​ടെ നി​ന്നാ​ൽ കാ​ണാ​നാ​കും. മ​ല​യ​ടി​വാ​ര​ത്തു​ള്ള തി​രു​മേ​നി-​ചാ​ത്ത​മം​ഗ​ലം-​നെ​ടു​വോ​ട് റോ​ഡി​ലൂ​ടെ വാ​ഹ​ന​ങ്ങ​ൾ ക​ട​ന്നു​പോ​കു​ന്ന​തു കാ​ണാ​നും ന​ല്ല ര​സ​മു​ണ്ട്.

നെ​ടു​വോ​ട്, പ​ര​പ്പ, ആ​ല​ക്കോ​ട്, ര​യ​റോം, ഉ​ദ​യ​ഗി​രി, കാ​ർ​ത്തി​ക​പു​രം, ചീ​ക്കാ​ട്, തി​രു​മേ​നി, താ​ബോ​ർ, പ്രാ​പ്പൊ​യി​ൽ, ചെ​റു​പു​ഴ, പാ​ടി​യോ​ട്ടു​ചാ​ൽ പ്ര​ദേ​ശ​ങ്ങ​ളും ഇ​വി​ടെ​നി​ന്നു കാ​ണാ​ൻ സാ​ധി​ക്കും. മ​ല​മു​ക​ളി​ൽ​നി​ന്ന് ഏ​തു ഭാ​ഗ​ത്ത് തി​രി​ഞ്ഞാ​ലും മ​നോ​ഹ​ര കാ​ഴ്ച​ക​ളാ​ണ് കാ​ണാ​നു​ള്ള​ത്. ഇ​വി​ടെ​നി​ന്നു​ള്ള രാ​ത്രി കാ​ഴ്ച​ക​ളും മ​നോ​ഹ​ര​ങ്ങ​ളാ​ണ്. ദീ​പാ​ലം​കൃ​ത​മാ​യ ക​ണ്ണൂ​ർ വി​മാ​ന​ത്താ​വ​ളം പോ​ലും രാ​ത്രി​യി​ൽ കാ​ണാ​നാ​കും.‌

നി​ലം തൊ​ടാ​തെ വി​ക​സ​ന പ​ദ്ധ​തി​ക​ൾ

ചാ​ത്ത​മം​ഗ​ലം പ്ര​ദേ​ശ​ത്തെ ടൂ​റി​സം വി​ക​സ​ന​ത്തി​ന് പ​ദ്ധ​തി ആ​വി​ഷ്ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടാ​ൻ തു​ട​ങ്ങി​യി​ട്ട് നാ​ളേ​റെ​യാ​യി. ചി​ല പ​ദ്ധ​തി​ക​ൾ പ്ര​ഖ്യാ​പി​ച്ചി​രു​ന്നു​വെ​ങ്കി​ലും ഒ​ന്നും ന​ട​പ്പാ​യി​ല്ല. ചെ​റു​പ്പ​ക്കാ​ർ മാ​ത്ര​മ​ല്ല ദൂ​രെ സ്ഥ​ല​ത്തു​നി​ന്നും ആ​ളു​ക​ൾ കു​ടും​ബ​മാ​യും എ​ത്തു​ന്നു​ണ്ട്. എ​ന്നാ​ൽ ഒ​രു കം​ഫ​ർ​ട്ട് സ്റ്റേ​ഷ​നോ മാ​ലി​ന്യ നി​ർ​മാ​ർ​ജ​ന സം​വി​ധാ​ന​മോ പോ​ലും ഇ​വി​ടെ​യി​ല്ല. കേ​ബി​ൾ കാ​ർ, ട്ര​ക്കിം​ഗ്, റോ​ക്ക് ക്ലൈം​ബിം​ഗ്, മി​നി അ​മ്യൂ​സ്മെ​ന്‍റ് പാ​ർ​ക്ക്, ഹി​ൽ​ടോ​പ് സ്റ്റേ​ഡി​യം, പാ​രാ​ഗ്ലൈ​ഡിം​ഗ്, മ​ൺ​സൂ​ൺ ടൂ​റി​സം, ഫാം ​ടൂ​റി​സം എ​ന്നി​വ​യ്ക്കെ​ല്ലാം അ​നു​യോ​ജ്യ​മാ​ണ് ഇ​വി​ടു​ത്തെ ഭൂ​പ്ര​കൃ​തി.

Courtesy:DEEPIKA  KANNUR