കുറ്റ്യാടി : ഗോൾഡ് പാലസ് നിക്ഷേപ തട്ടിപ്പിനെതിരെ നിക്ഷേപകരുടെ ആക്ഷൻ കമ്മിറ്റിയുടെയും സർവ്വകക്ഷി സമരസഹായ സമിതിയുടെയും നേതൃത്വത്തിൽ നടക്കുന്ന അനിശ്ചിതകാല സമരം 60 ദിവസം പിന്നിട്ടു. സമരം റംസാൻ കാലത്തും ശക്തമായി തുടരുകയാണ്. വിവിധ രാഷ്ട്രീയ പാർട്ടി നേതാക്കളും പ്രവർത്തകരും ദിവസവും സമര പന്തൽ സജീവമാക്കുകയാണ്. ഇന്ന് അറുപത്തിയൊന്നാം ദിവസം നടന്ന സമരം സമര സമിതി ചെയർമാൻ ശ്രീജേഷ് ഊരത്ത് ഉത്ഘാടനം ചെയ്തു. സിഎൻ ബാലകൃഷ്ണൻ അധ്യക്ഷത വഹിച്ചു. സമരസമിതി കൺവീനർ എം എം റഷീദ് , ടി കെ ബിജു, പുഞ്ചൻ കണ്ടി മഹബൂബ്,പി സി രവീന്ദ്രൻ ,വള്ളിൽ ശ്രീജിത്ത്, എൻസി കുമാരൻ, ഹാഷിം നമ്പാടൻ, , സബിന മോഹൻ, ഇ എ റഹ്മാൻ കരണ്ടോട് , ജിറാഷ് പി, സലാം മാപ്പിളാണ്ടി എന്നിവർ സംസാരിച്ചു. പാവപ്പെട്ടവരുടെ നിക്ഷേപം തട്ടിയെടുത്ത് മാന്യന്മാരായി അധിക കാലം വിലസമെന്ന ധാരണ മുതലാളിമാർ ഒഴിവാക്കണമെന്നും എന്ത് വിലകൊടുത്തും നിക്ഷേപകരുടെ പണവും സ്വർണവും തിരിച്ചു പിടിക്കുമെന്നും പ്രാസംഗികർ പറഞ്ഞു.
Post a Comment