📑📇 ബ്ലോക്ക് റിസോഴ്സ് പേഴ്സണ്‍: അപേക്ഷ ക്ഷണിച്ചു; മാന്യമായ ശമ്പളം നാട്ടിൽ നിന്ന് നേടാം

◼️വിവിധ ക്രേന്ദ്രാവിഷ്‌കൃത പദ്ധതികളുമായി ബന്ധപ്പെട്ട സ്‌കീമുകളുടെ സോഷ്യല്‍ ഓഡിറ്റ് നടത്തുന്നതിനായി 14 ജില്ലകളിലെ വിവിധ ബ്ലോക്കുകളില്‍ ബ്ലോക്ക് റിസോഴ്സ് പേഴ്സണ്‍മാരുടെ നിലവിലുള്ള ഏതാനും ഒഴിവുകളിലേക്ക് അപേക്ഷ ക്ഷണിച്ചു.

◼️തെരഞ്ഞെടുക്കപ്പെടുന്ന സോഷ്യല്‍ ഓഡിറ്റ് ബ്ലോക്ക് റിസോഴ്സ് പേഴ്സണ്‍മാർ 30 ദിവസം നിണ്ടുനില്‍ക്കുന്ന റെസിഡൻഷ്യല്‍ പരിശീലന പരിപാടിയില്‍ പങ്കെടുക്കണം. 

◼️പരിശീലനകാലം ഡ്യൂട്ടിയായി പരിഗണിക്കും. പ്രതിമാസം ഹോണറേറിയവും മറ്റ് അലവൻസുകളും ഉള്‍പ്പടെ 19,290 രൂപയാണ്. ജില്ലാടിസ്ഥാനത്തിലാണ് നിയമനം.

◼️തെരഞ്ഞെടുക്കപ്പെടുന്നവർ ജില്ലയിലെ വിവിധ ബ്ലോക്കുകളില്‍ പ്രവർത്തിക്കുന്നതിന് ബാദ്ധ്യസ്ഥരാണ്. 

◼️അപേക്ഷിക്കുന്നതിനുള്ള കുറഞ്ഞ യോഗ്യത ഏതെങ്കിലും വിഷയത്തിലുള്ള 55 ശതമാനം മാർക്കോടെയുള്ള ബിരുദാനന്തര ബിരുദവും കമ്ബ്യൂട്ടർ പരിജഞാനവുമാണ്.  

◼️അപേക്ഷകർക്കുള്ള പ്രായപരിധി 2026 ജനുവരി 1ന് 35 വയസ്സ് കഴിയാൻ പാടില്ല. പട്ടികജാതി - പട്ടികവർഗ വിഭാഗത്തില്‍പ്പെട്ടവർക്ക് അഞ്ച് വർഷത്തെ ഇളവ് ഉണ്ടായിരിക്കും. 

◼️സാമൂഹ്യ- സന്നദ്ധ സേവന മേഖലയിലെ പരിചയം അഭികാമ്യം. താല്‍പ്പര്യമുള്ള ഉദ്യോഗാർത്ഥികള്‍ ജനുവരി 20-നകം ഗൂഗിള്‍ ലിങ്ക് (https://forms.gle/DZwrMVTZQZ9o3rg28) വഴിയോ സോഷ്യല്‍ ഓഡിറ്റ് സൊസൈറ്റി കേരളയുടെ വെബ്സൈറ്റില്‍ (www.socialaudit.kerala.gov.in) നല്‍കിയിട്ടുള്ള ഗൂഗിള്‍ ലിങ്ക് വഴിയോ അപേക്ഷിക്കണം.