കോഴിക്കോട് : എം.എൽ.എയും കേരളാ കോൺഗ്രസ് (എം) ഓഫീസ് ചാർജ് ജനറൽ സെക്രട്ടറിയുമായ സ്റ്റീഫൻ ജോർജ് എക്സ്. എം. എൽ. എ ന്യൂനപക്ഷ വികസന ധനകാര്യ കോർപ്പറേഷൻ ചെയർമാനായി സ്ഥാനമേറ്റു.
കോഴിക്കോടെ ഹെഡ് ഓഫീസിലെത്തിയാണ് ചുമതല ഏറ്റത്. കോർപ്പറേഷൻ എം.ഡി സുനിൽ ചാക്കോ ബൊക്കെ നല്കി സ്വീകരിച്ചു.പ്രീ ഡിഗ്രി കാലഘട്ടത്തിൽ വിദ്യാർഥി സംഘടനാ പ്രവർത്തനത്തിലൂടെ രാഷ്ട്രീയത്തിലെത്തിയഅദ്ദേഹം കേരള വിദ്യാർത്ഥി കോൺഗ്രസ് സംസ്ഥാന സെക്രട്ടറി,സംസ്ഥാന പ്രസിഡൻ്റ്, യൂത്ത്‌ ഫ്രണ്ട് സംസ്ഥാന ജനറൽ സെക്രട്ടറി എന്നീ നിലകളിൽ പ്രവർത്തിച്ചു.
ഇപ്പോൾ കേരള കോൺഗ്രസ് (എം) സംഘടനാചുമതലയുള്ള ജനറൽ സെക്രട്ടറിയാണ്.ജില്ലാ പഞ്ചായത്തിലേക്ക് രണ്ട് തവണ തെരഞ്ഞെടുക്കപ്പെട്ടു. കോട്ടയം ജില്ലാ പഞ്ചായത്ത് വൈസ് പ്രസിഡന്റ് പദവി വഹിച്ചു. 2001 ലെ നിയമസഭാ തെരഞ്ഞെടുപ്പിൽ കടുത്തുരുത്തിയിൽ നിന്ന് വിജയിച്ച് നിയമസഭാംഗമായി. ഭാര്യ ജിജിമോൾ മാത്യു, മക്കൾ സ്റ്റീവ് ജി സ്റ്റീഫൻ, സ്റ്റെഫി ജി സ്റ്റീഫൻ, സ്റ്റെയ്സി ജി സ്റ്റീഫൻ.
Post a Comment